Styttar umferðir eru gerðar til þess að gera afmarkað svæði á prjónaverkefninu þínu síðara, breiðara eða "stærra" / með fleiri umferðir. Styttar umferðir geta verið gerðar til þess að láta húfur ná lengra niður á enni eða hnakka svo eitthvað sé nefnt. Styttu umferðirnar eru framkvæmdar þar sem er tekið mið af "miðjulykkju" og er prjónað fram og til baka með því að snúa við í miðri umferð með ákveðinni tækni sem kennd er í myndbandinu. í næstu snúningum er farið lengra en síðast til þess að prjónaverkefnið fái meira "aflíðandi" útlit þar sem styttu umferðirnar voru framkvæmdar.
